Asalamualaikum Wr. Wb


Pengulekan Nya’ Indun

Sebelon masak, Nya’ pengen cerite pekara cinte. Coba deh ditengetin nyang Nya’ ceritain.

Sekali tempo Abu Dzar al-Giffari ditanye, “Gif, ente perne liat orang nyang jahat ama orang nyang paling die demen?” Jawab Abu Dzar, “Perne, malaan sering. Awak ente ‘ntulah sebenernye nyang paling ente cinte. Ente jahat ama bandan ente kalo ente doraka ama Alloh”.

Ape nyang dikate Abu Dzar ngga perlu dijelasin, kalo hamba Alloh ude sadar arti idup. Dari dulu bejibun orang nyang tege bebuat jahat ama orang nyang paling didemeninnye. Aneh bin ajaib kite kaga ngeh kalo ape nyang kite kerjain ‘ntu wujud benci ama diri sendiri. Bayangin, kite saban ari bikin dose, bikin rupe-rupe ma’siat. Itu artinye kite kaga sayang ama diri kite.

Cinte ude dari sononye dikasih Alloh pade semue makhluk. Dengen cinte orang kudunye paham siape die sebenernye. Dia kawin-mawin dan jadi banyak lantaran cinte. Sayang ama lingkungannye lantaran cinte. Dan nyang paling utame kudu kite sadarin bahwa cinte kaga laen kaga bukan adalah gambaran idup alam malakut nyang kaga mati-mati alias abadi.

Lantaran ’ntu, kalo ade laki-prumpu nyang lagi besukaan mabok cinte, nyang dibayangin dan hayalin cintenye bakal kaga sudenye alias abadi. Tapi sayang seribu kali sayang, keabadain cinte nyang dihayalinnye cuman ada di lempengan alam dunia doang. Model besukaan kaya gitu nyang ngalingin cinte model cintenye malaekat. Cinte sebenernye cinte.

Nyang ngalingin rasa cinte alam malakut ngga laen ngga buka adalah cinte ame dunia, hubb al-dunya. Sayyidina Ali ra ngatah bahwa cinte dunia adalah bebongkot dari semua bahle bencane. Kalo ati orang ude kebengbat ame cinte dunia, pikirannye jadi bulukusut dan kelakuannye ngalor-ngidul kaga keruan.

Salah satu pikiran ntu, die kepengen banget dapet rahmat dan ampunan dari Alloh, pedahal dalem idup sari-sarinye, ia kebangetan jauh ama Alloh. “Rahmat dan ampunan Alloh,” kate Abu Dzar, “kaga disebar-sebarain begitu aje di sembarangan tempat. Kaga!”

Kate Abu Dzar lagi, setan punye senjata paling jitu, berupe godaan pade manusia supaye dapet rahmat Alloh, pedahal setan kerje keras sungsang-sumbel ngejauhin orang buat ibadah dan amal soleh. Orang nyang ude jadi korban rayuan setan ini biasenye paling demen maapin dirinye sendiri. “Rahmat Alloh kan kaga ade batesnye. Pasti Alloh maapin semue dose ane,” kate korban. Pedahal si korban tetep aja kaga mao tobat sepanjang idupnye.

Orang nyang bedose, tulis Imam Ghazali dalem Ihya Ulum al-Din, kaga nyelakain dirinye doang, tapi juge ngatain (menghina) Alloh, lantaran ia selewengin amanat nyang ude dikasih. Lidah ama tangan nyang Alloh kasih kepade manusie supaye dipake zikir dan amal soleh, dipake maki-maki dan ngerampas milik orang laen.

Alloh atu-atunye zat maha pengampun. Orang nyang selame idupnye bikin dose, masing dibukain pintu ampun, kalo die sigra tobat dengen sungguh-sungguh. Kudu diinget, nunda-nunda tobat masup itungan menghina Alloh. Naudzubillah mindzalik!

Gitu cerita Nya’. Semoga ade nyang mao denger sebage bekel jalan idup lempeng. Nah sekarang kite bikin makanan nyang kira-kira sentiase disediain waktu ngundang kawinan. Emang rada suse sih, tapi kite kudu bikin. Apelagi kalo ngundang tetamu dari antero kampung.

KETUPAT LAKSA PENGANTIN

Bahanynya:

a. Ketupat

Bahan Bahannya terdiri atas :

Dau kelapa muda (dianyam menjadi ketupat), Beras.

Cara Membuat Ketupat

Ketupat diisi 1/3 dengan beras kemudian direbus dengan air yang cukup, lamanya kira-kira 5 jam.

b. Laksa Pengantin

Bahannya terdiri atas:

Bihun, Tauge, Telor, Kentang, Ayam Rebus, Udang, Kucai, Kemangi, Kelapa Gongseng, Santen, Minyak Goreng, Garam.

Bumbu Yang Dihaluskan Untuk Laksa

Cabe merah, bawang merah, bawang putih, jahe, kunyit, temu mangga, ketumbar, garam, dan gula merah.

Cara Membuat Laksa Penganten

Semua bumbu ditumbuk sampai halus, kecuali salam dan laos dibuat menjadi gepeng. Kelapa diambil santennya. Ayam dan Udang direbus lalu disuwir – suwir.

Lalu bumbu ditumis sampai harum, setelah itu masukkan santen. Pengabisan, masukin kelapa gongseng dan telor yang telah dikocok lebih dahulu.

++++++ +++++ +++++

SATE ASEM

Bahanya:

Cebe merah, Bawang merah, Bawang putih, Ketumbar, Temu mangga, Temu kunci, Kemiri, Salam, Laos, Gula merah, Minyak goring, Daging khas.

Membuatnya:

Daging dipotong kecil-kecil diberi asem dan gula merah diamkan (ungkep) selama kurang lebih 15 menit. Bumbu-bumbu ditumbuk sampai halus, lalu ditumis dengan minyak. Setelah bumbu tumis agak dingin masukkan daging. Kemudian daging ditusukan pada tusukan sate. Setelah itu dibakar di atas panggangan sate. Siap dihidangkan.

Penyajiannya:

Ketupat dipotong potong . Di atasnya diberi bihun rebus, tauge, dan kentang rebus (yang dipotong kecil-kecil), ayam (yang telah disuwir), telur rebus yang telah dibelah, udang rebus, kucai kemangi. Kemudian siram dengan kuah laksa dan dimakan dengan sate asem.